من نحن
انجليبس هي أكاديمية بدأت في سنة 2022. هدفنا الأساسي هو اننا نحسن مستوي الطلاب في اللغة ونضيفلهم معلومات تفيدهم في حياتهم العملية. إحنا بنؤمن بالإختلافات الفردية بين الطلاب، وده السبب الرئيسي اللي خلانا نبدأ الأكاديمية. في معظم الأماكن، بيتم اتباع منهج واحد ثابت لجميع الطلاب، ولكن مع الأسف دي مش أنسب طريقة، لأن كل شخص عنده اختلافات وفروق فردية عن الأخر. بالتالي، قسم التدريب في إنجليبس بيقوم بتحضير مادة عملية مخصصة تتوافق مع احتياجات الطالب علشان يقدر يلاقي تحسن سريع في مستواه.
تعلم اللغة هي عملية بتحتاج وقت وممارسة مستمرة بالإضافة إلى المتابعة المستمرة. علي عكس الآراء السائدة، تعلم اللغة مش بيرتبط بمدة زمنية معينة. بالعكس، عملية التعلم بتتوقف على عوامل كتير جدًا، وأهمها هو مدى حرص الطالب على التحسن.
احنا بنختار مدرسين وفريق أدمنز بمعايير معينة علشان نضمن مرونتهم في توصيل المعلومات لأنواع الطلاب المختلفة، دي غير أن المدرسين بتوعنا دائمًا بيبحثوا ويطوروا من طرق التدريس الخاصة بيهم علشان يواكبوا التطورات اللي في العالم.
كيف يتم اكتساب وتعلم اللغة؟
اكتساب اللغة بيتم على عدة مراحل أساسية، وده اللي احنا بنركز عليه في إنجليبس بمساعدة خبرة المدرسين وفريق الدعم والأدمنز.
أول مرحلة بيمر بيها الشخص هي المرحلة التمهيدية:
بيبتدي الشخص يتعرض للغة ويستكشف الأصوات والكلمات بتاعتها. أهم نقطة في المرحلة دي أن الشخص بيبتدي يفهم اللغة من السياق ولغة الجسد والصور، حتى وهو مش عارف معاني الكلمات.
الهدف من المرحلة دي أن الطالب يبدأ يكتسب طريقة صياغة اللغة ويتمكن من أصواتها، وده بيساعده في فهم وإدراك الأساسيات المتعلقة باللغة الإنجليزية.
المدرسين في إنجليبس بيتعمدوا في المرحلة دي أن نخلي الطالب يتعرض لأكبر قدر ممكن من اللغة في خلال اليوم بتاعة، ده غير فريق الأدمنز اللي بيتابع مع الطالب خارج وقت السيشن.
تاني مرحلة بيمر بيها الشخص هي مرحلة الانتاج المبكر:
بيبتدي الطالب في المرحلة دي أن يستخدم العبارات والكلمات اللي اتعرضلها في البداية، وبيتمكن من إنشاء جمل صغيرة تقدر تعبر عن أفكاره بأبسط طريقة ممكنة.
بيبدأ الطالب ينخرط أكتر في المحادثات، ويفهم الأسئلة البسيطة اللي بتتوجهله. في المرحلة دي الطالب بيبدأ يغلط في التكوين اللغوي للجملة، وممكن يقع في أخطاء متعلقة بالقواعد، ودي أهم صفة.
بيركز دور المدرس في إنجليبس علي تصحيح الأخطاء للطالب ويساعدوا علي فهم الطريقة الصح للجملة، وبيحفز الطالب علي إنشاء جمل أكتر علشان يطبق بيها القواعد السليمة والصحيحة للغة. المدرس بيساعد الطالب في المرحلة دي على كسر حاجز الخوف من الكلام واكتساب الثقة. كمان بيقوم فريق الأدمنز بالمتابعة المستمرة مع الطالب من خلال تكليفة بتجهيز Presentations و Short Paragraphs، ده غير أنهم بيقدروا يوفرا الشرح اللازم لأي نقطة خارج وقت المحاضرة.
المرحلة الثالثة هي مرحلة تطوير الطلاقة:
بعد ما الطالب بقي يتمكن من التعبير عن جمل بسيطة بقواعد صحيحة، بيركز المدرس مع الطالب علي تكوين جمل أكثر تعقيدًا من خلال استخدام أدوات ربط، وضمائر الوصل وحاجات تانية كتير بحيث يتمكن الطالب من تكوين جمل أطول وأعقد نسبيًا عن المرحلة السابقة. في المرحلة دي، أخطاء الطالب بتبدأ تقل تدريجيًا مع المتابعة والتمرين المستمر. من أهم أهداف المرحلة دي، ان الطالب يتعود علي سماع وتكوين الجمل المتوسطة الطول، علشان يقدر يستخدمها في المواضيع الأكثر تعقيدًا. بيبدأ الطالب في إضافة كلمات ليها وظائف لغوية متقدمة. فريق الأدمنز بيساعد الطالب في المرحلة دي من خلال تحفيز الطالب علي القراءة المستمرة، علشان يقدر يكتسب الصياغة اللغوية المعقدة، وده مش بس بيفيد الطالب في اللغة، كمان بيساعدوا في معرفة معلومات عامة تقدر تفيدة في حياته العملية.
المرحلة الأخيرة هي مرحلة الطلاقة:
ودي بتكون مرحلة مستمرة مدى الحياة، بيزود الطالب فيها تعرضه للغة من خلال الفيديوهات، والأفلام، والأغاني، والكتب. بيكون الطالب وصل في المرحلة دي لفهم القواعد اللغوية، وبيبدأ يزود حصيلة الكلمات اللي عندوا من خلال حفظ واستخدام مترادفات أقوى لغويًا من الكلمات اللي متعود يستخدمها. وبيبدأ الطالب يعرف مصطلحات لغوية معقدة ويفهم طريقة تكوينها، علشان يقدر يطبقها بحرية تامة.
إيه المميز في إنجليبس؟
✅ السيستم في انجليبس مختلف عن باقي الاماكن اللي موجودة علشان احنا متبنين فكره الفروق والاختلافات الفردية، بمعني ان مش كل الطلاب زي بعض في نقطة الاحتياجات والمادة العلمية.
✅ تكوين المادة العلمية للدارس تتم من خلال الاعتماد علي مصادر علمية موثوقة مثل (OXFORD/LONGMAN/CAMBRIDGE) وترتيب المنهج وفقا لمستوي الدارس.
✅ يتم اعتماد اسلوب تدريس TEFEL حتي نضمن التواكب مع النظام العالمي في تدريس اللغة.
✅ احنا اللي بنعمل الماده العلمية علشان تلبي احتياجات كل طالب لان كل شخص مختلف عن التاني. علشان كده الطالب معانا بيحس ان المنهج معمول علشان مستواه.
✅ المادة العلمية بتاعتنا مركزة جدًا على التطبيق العملي داخل وخارج السيشن.
✅ عندنا فريق متخصص في اللغة وعندهم الخبره الكافية اللي تأهلهم ان يلبوا احتياجات الطالب، وعملية التعين بتتم بصورة مشددة ومحددة جدا علشان نحافظ علي التميز ده.
✅ بنقدملك مجموعة مختلفة من الكورسات تناسب جميع الاحتياجات، ايا كان مستواك أو هدفك في تعلم اللغة، اتأكد اننا معاك وهنعمل المادة العلمية علشان تساعدك توصل للهدف ده.
✅ عندنا فريق دعم متخصص في اللغة علشان يساعدك في أي استفسار متعلق بالكورس أو باللغة عامة في اي وقت خارج مواعيد المحاضرات و بيتابعوا معاك خطوة بخطوة.
✅ بنساعدك انك تكسر حاجز الخوف من الكلام بطرق مختلفة داخل السيشن وكمان برة السيشن.
